BALEBANDUNG – Sampurasun… Manawi aya nu apal keneh kana kakawihan barudak jaman baheula? Sigana mah moal da ari kakawihan nu kalarieu mah… geus teu diparake deui ku barudak jaman now mah…Barudak jaman now mah paling ge kakawihan cinta-cintaan… Cikanan pamiarsa, urang emut-emut deui kakawihanana, bral urang dialajar deui..ieu diantawisna nu ku Mang Bale apal keneh mah, cekidot gan;
1. Ucang-ucang Angge
Ucang-ucang angge
Mulung muncang ka parangge
Digogog ku anjing gede
Anjing gede nu pa lebe
Ari gog gog cucungung
2. Trang trang Kolentrang
Trang trang kolentrang
Si londok paeh nundutan
Mesat gobang kabuyutan
Tikusruk kana durukan
3. Tongtolang Nangka
Tongtolang nangka
Kawinan bapa
Poe salasa teu beja-beja
Aduh-aduh si bapa
Teungteuingin ka ema
Bapa mah suka-suka
Jeuh nu ngora
4. Cingcakeling
Cingcangkeling manuk cingkleung cindeten
Plos ka kolong
Bapa satar buleneng
5. Tokecang
Tokecang-tokecang
Malik pendil tosblong
Angeun kacang angeun kacang
Sapariuk kosong
6. Japati
Aya hiji kurung
Pinuh ku japati
Japati kaluar
Disada enguk-engukan
Alim ka ramana
Alim ka ibuna
Hoyong ka putrana
Nu centik bulu socana
7. Bang Kalima-lima Gobang
Bang kalima lima gobang (bang)
Bangkong di tengah sawah (wah)
Wahéy tukang bajigur (gur)
Guru sakola désa (sa)
Saban poé ngajar (jar)
Jarum paranti ngaput (put)
Putri nu gareulis (lis)
Lisung kadua halu (lu)
Luhur kapal udara (ra)
Ragrag di Jakarta (ta)
Taun tujuh hiji (ji)
Haji rék ka Mekkah (kah)
Kahar tujuh rébu (bu)
Buah meunang ngala (la)
Lauk meunang nyobék (bék)
Béker meunang muter (ter)
Terus ka Cikampék (pék)
Pékna dagang kalam (lam)
Lampu eujeung damar (mar)
Mari kuéh hoho (ho)
Hotél panglédangan (ngan)
Ngantos Kangjeng Dalem (lem)
Lempa lempi lempong
Ngadu pipi jeung nu ompong
8. Cang ucang Anggé
Cang ucang anggé
Mulung muncang ka paranjé
Digogog ku anjing gedé
Anjing gedé nu Pa Lebé
Ari gog gog cungunguuuung
9. Tatitut
Tat tit tut
Daun kanyere (kaliki)
Saha nu hitut budak awewe (lalaki)
Dibawa ka saung butut
Balikna ngaburusut
10. Boneka Abdi
Abdi teh ayeuna
Gaduh hiji boneka
Teu kinten saena
Sareng lucuna
Ku abdi dierokkan
Erokna sae pisan
Sumangga tingali
Boneka abdi
11. Cingciripit
Cingciripit
Tulang bajing kacapit
Kacapit ku bulu pare
Bulu pare memencosna
Jol pa dalang
Mawa wayang jrek-jrek nong
12. Oray-orayan
Oray-orayan
Luar leor mapay sawah
Tong ka sawah
Parena keur sedeng beukah
Oray-orayan
Luar leor mapay leuwi
Tong ka leuwi
Di leuwi loba nu mandi
Oray-orayan
Oray naon, oray bungka, bungka naon, bungka laut. Laut naon, laut dipa
Dipa naon..
Dipanderiiii
13. Ayang-ayanggung
Ayang-ayanggung
Gung goongna rame
Menak ki wastanu
Nu jadi wadana
Naha maneh kitu
Tukang olo-olo
Loba anu giruk
Ruket jeung kompeni
Niat jadi pangkat
Katon kagorengan
Ngantos kanjeng dalem
Lempa lempi lempong
Ngadu pipi jeung nu ompong
Jalan ka Batawi ngemplong
Saha nu emut keneh, cung? Upami emut keneh hayu ajarkeun deui ka barudak jaman now…cag sakitu heula…Perrrmiosss…
