Jemplang Leumpang
Tuh ka pasir itu…Ka gunung itu… Terusan jalan satapak.
Duh…Asa jauh panineungan. Ari ras jalan satapak.
Nyucruk palung belah bantar.
Birit leuwit peupeuntasan mah gening..birit leuwit da peupeuntasan
https://www.youtube.com/watch?v=g7aA2r6oTBw
Muara Beres
Sada gugur dikapitu. Sada gelap ngadasaran.
Dur bedugna … Neng loncengna.
Ketuk sada ungkut-ungkut. Kendang sada ciang-ciang.
Sada tepak Raden Sancang. Jaman digendong tarate.
Nyisiran di Gunung Putri. Silanglang di Cihanjawar.
Meuseh di Muara Beres. Patilasan nu baheula.
Ayeuna kantun tapakna. Ngalun di Leuwi Citarum
Cipeles kakaliasan…Cipeles kakaliasan…
Kasebat ngaran keur budak. Kasebit ngaran keur leutik.
Kasebut ngaran keur lembut. Lembur dilingkung ku gunung.
Gunung ti kulon ti wetan. Gunung ti kaler ti kidul.
Nagara tawan gantungan…Nagara tawan gantungan…
Lokatmala
Gunung Gede geusan nyarandekeun hate. Pangrango kuring ngadago.
Gunung Guruh da kuring mah heunteu jauh. Ka leuit salawe jajar.
Aduh lucu alun-alun luhur gunung. Matak betah sarwa endah.
Lokatmala marakbak Baranangsiang. Aduh manis jeung cantigi.
Kunapsu mah aduh matak sungkan mulang. Hayang ngahenang-ngahening.
Ngahiyang di Batu Dongdang. Silanglang di jamban herang.
Moal mulang lamun teu acan kabandang. Mustika Mandalawangi.
Rek lalahan tatapa luhureun kawah. Malar hate heunteu siwar.***
courtesy youtube P’Dhede Ciptamas61
