Bale Jabar

Si Ayat

by Hayat S Hidayat

Si Ayat lalaki
nu bathina nyiruruk di tempat jauh tur sepi
taya nu mitineung
sabab hirupna di alam hideung

mun pareng aya bulan atawa bentang leukeun daek ngiceupan
kalakay hatena hiji-hiji maruragan
saterusna tinggal rasa ngarangrangan

Si Ayat lalaki
nu atina kungsi diturih ku hinis kaasih
mangsa kembang lamunan keur meujeuhna
mangkak na dapuran harepan
mangsa kadeudeuh datang munggaran

mun leumpang manehna imeut neuteup kalangkang
mun sare, tibra ngeukeupan lamunan
peuting-peuting ngimpi panggih jeung putri
atawa nyangsaya dina lawang sawarga
kasur jeung awewe lacur

Si Ayat lalaki
nu hatena geus lain deui lalaki
na pangsujudan remen ballihan batan muji ka Pangeran
didinya dirinya wakca, ngadakwa nganaha-naha
oge didinya atra ka naraka.

Cibeunying, 7 Peb 1965

 

Na Imah Panggung

Tags

Baca Juga

Leave a Reply

Your email address will not be published. Required fields are marked *

Back to top button
Close